عندما نتذكرتلك البراءة والطفولة حين كنا صغاراً نرى بأعين الشفافية الفطرية، نختبر الأشياء بعيون قلوبنا فنراها صادقة واضحة لا رمادية فيها. وحين تمر السنوات وتكبر في أعيننا الأحداث وتتشكل معها خبراتنا تكاد أن تكون مكتملة تتغير تلك النظرة وتتحول لتصبح أكثر عمقاً وأكبر اتساعاً ونكتشف معها حقيقة الأشياء، فنتمنى لو عدنا إلى برائتنا الأولى لنرى الكون
عيون عروستي..
أيام ما كنت صغيره
والهم لسه مشلتهوش
كانت عيونى
مدورين ..!
استنو بس ..
ملهاش علاقه بالحسد
متقلقوش..
كل الحكايه انها..
كانت بتشبه عيونى عروستى
زيهم مدورين.. مبربقين ..
مبيخافوش
وكنت أشوف بيها الوشوش ..
كل الوشوش ..!
كنت أشوفهم مزوقين
وبضحكه حلوه.. فرحانين
والحزن لسه معرفتهوش..
كانت تشوف كل الحاجات والمحتجات..
فى العيون الطيبين ..والغلبانين
واللى كمان ميختشوش..
كانت تشوف كل الكلام
اللى مخبى اللى قلته واللى لسه مقلتهوش
كانت بتفهم كل حاجه..
كانت ذكيه مدقدقه من غير رتوش
ولما كبرت .. وراح بريقها ..
والدنيا طبعت فيها روحها..
مبقتش زى الأول
تقدر تشوف الناس بروحها..
فشافت حاجات تانيه كتيره ..
شافت القلوب..
غير القلوب متغيرين ..
شافت عيون ماتت حزينه
ولسه برضو مدمعين ..
فيها الآهات ملو الجفون
وفى الصدور ضلمه وانين
شافت كتييير م البشر.. تايهين
مع انهم واقفين فى المكان متحركوش
شافت ايدين تتمدلك
تحسبها قوه هتسندك.. بس الحقيقة انها
.. هى اللى محتاجه اليك .. فتكعبلك
وشافت عيون بتقول بحبك
بس هما كدابين..
وايدين تشوفك بالحضن تاخدك ..
ميغركش حضنهم..
فى الأصل دول كارهين..
وكتير حاجات بالشكل ده
متعقده ومتشبكه ..
وكل واحد فينا بيشوفها
زى الدنيا ما تشوفها بعنيه
واضحه ساعات..باهته ساعات..
وساعات كتير متشوشه
اما حزينه أو بتضحك ..
أوغريبه وسط ناس متغربين
فياريتها فضلت .. فضلت عيونى ..
عيون عروستي المدورين…!
---------------------------------------------------------------------------------------------- *Material should not be published in another periodical before at least one year has elapsed since publication in Whispering Dialogue. *أن لا يكون النص قد تم نشره في أي صحيفة أو موقع أليكتروني على الأقل (لمدة سنة) من تاريخ النشر. *All content © 2021 Whispering Dialogue or respective authors and publishers, and may not be used elsewhere without written permission. جميع الحقوق محفوظة للناشر الرسمي لدورية (هَمْس الحِوار) Whispering Dialogue ولا يجوز إعادة النشر في أيّة دورية أخرى دون أخذ الإذن من الناشر مع الشكر الجزيل
